Rhagori – arferion gorau

Adnoddau yn ôl themâu

Rhagori – arferion gorau - Emmanuel

1. Fel ffordd o roi cynnig ar ffyrdd arloesol o ddelio gyda disgyblion wedi dadrithio -

Yn y flwyddyn gyntaf, hyfforddwyd un o’n hathrawon mewn iechyd emosiynol a’i ryddhau am ddau brynhawn yr wythnos i gwnsela disgyblion yr oedd angen amser arnynt i drafod eu problemau.
Yn yr ail flwyddyn, rhyddhawyd yr un athro am 4 prynhawn yr wythnos i gynnal Grwp Maethu, sef grwp ar gyfer 12 o blant oedd wedi’u henwebu i ddatblygu eu sgiliau cymdeithasol.
Yn y drydedd flwyddyn, rydym yn defnyddio £4,000 o’r grant Rhagori i 12 plentyn fynd ar fenter ysgolion coedwig. Hyfforddi 1 aelod o’r staff dysgu a chymhorthydd dysgu i fod yn arweinwyr Ysgol Goedwig.

2. Hyfforddi athrawon a chymorthyddion dysgu i gynyddu lefelau sgiliau sylfaenol yn yr ysgol – h.y. mewn darllen a mathemateg.

I ddechrau, hyfforddwyd cymorthyddion dysgu ar sut i ddelio gyda ‘phroblemau’ disgyblion ar ôl iddynt ddefnyddio’r rhaglen RM Maths.
Wedyn, hyfforddwyd athrawon ar sut i gyflwyno Dyfal donc i ddisgyblion.
Yna, hyfforddwyd cymorthyddion ar sut i gyflwyno dyfal Donc i ddisgyblion.
Rydym wrthi’n hyfforddi athrawon ar sut i gyflwyno THRASS.
Yn ôl y canlyniadau, mae cyrhaeddiad mewn darllen, ysgrifennu, sillafu a mathemateg wedi gwella ar draws yr ysgol.